Chatni Song Lyrics

F हो पिया बात मेरी ना मानी तो कर दूंगी तेरा सफाया
चटणी सी कूट क धर दूंगी ज मेरा कहया ठुकराया……

1 F हो पैर दबा दे मेरे पिया तेरे हल्के हल्के हाथा तं
M जी तो ईसा कर सा तेरे हाड तोड़ दूं लांता तैं 2
F फेर बोलिए बात वा हे जो तूं मन मन म बरड़ाया
चटणी सी कूट क धर दूंगी ज मेरा कहया ठुकराया………

2 F शुक्र मना तेर आगी मैं ना कुण तेर बन्नो लावे था
M र लाइन लाग री थी घर म म्हारे एक जावे एक आवे था
F सुखा पड़ता घाम थारे इब होरी सिली छायां
चटणी सी कूट क धर दूंगी ज मेरा कहया ठुकराया……..

3 F चुन छाण क पोले रोटी क्यों तूं भीतर बड़रा स
M के पिछले जन्म म बुरा करा जो आज भुगतणा पड़रा स
F नरेंद्र फौजी कलम तेरी न कहर कसूता ढाया
चटणी सी कूट क धर दूंगी ज मेरा कहया ठुकराया…….